Tol non Saramen ikenai.

Ai tirow pwan fairo womi pwipwi kana meinisin. Kapongen ei New Year ngeni ami meinisin. Oupwe ne kan omusano ai tipis pwe upwe ne pwan chienene non ami kei kapas faniten ach ei utut.

Iwe ita kunaei ren ikenai, Uwa kuna pwe chomong pwii kei ra kapasen Tol non kirochen ei fansoun. Nge oupwe omusano tipis ami pwi kana meinisin pwe ai kuna mwokutun fonuwemi na Tol non ei fansoun pwe pwan kewe chok ir mei nom non na wis repwe chok pwan win. Omusano tipis ai kan pwan fosonong non porausen neniach na.

Comments

  • Fokkun ma en me kunian. Uwa kuna pwe Tol epwene kuna ruemon minafon Reps non ei 2019. Epwe emon jk incumbent epwe return for another two yrs to serve. Tol non kirochun nesor. Fokkun kirochoroch.
  • Uwa ekieki, ren ikenai mo, iwe Iongku esape lose an kana nruwofoch sea. Iwe Niku ika Sangku epwe anii ena efoch. Ika met?
  • Omusano Last, nge upwe mo kapas eis ren mefiom ei. Wewen pwe ke apasa pwe
    1. kewe chok 2 minen nom me Iongku repwe win, fiti emon new pwan me Iongku chok?
    2. Ika epwe ne 1 new seni kewe ekoch kumi chienen kewe 2 incumbent seni chok Iongku?
    3. Ika epwe 1 new pwan 1 incumbent me Iongku fiti emon seni kewe kumi?
    Epwe ifa epwe fis?
  • Usap sinei ika upwe mwan. Nge ren iei mo, iwe u kuna nge erpwe 2 new 1 incumbent seni Iongku chok. Ika kana kumi repwe pojok, iwe epwe emon new pwan emon incumbent seni Iongku. Iwe emon new ika pwan emon incumbent seni kana kumi.
  • Kapongen ei fansoun ngeni pwipwi kana meinisin..
    Ekkoch memef sia angei seni pwan fitemon pwich ir mi fakkun ooriochu ach ei utut, seni ewe ionap Tol. Iwe iei usun ar ra anapanapa.. Pungun ach ei utut, iwe epwe 1 incumbent epwe nom nge 2 new comers..

    Ena incumbent Mr.Kerson Billy seni Iongku nge ekkena 2 New Comers
    Emon Singeru Namio seni Niku me Erter Eter seni Sangku.

    Iei met sia sinei seni ei Committee non Guam..

    Kepwan Efich
    Kepwan Oput
  • Fan iten ach sia kuna nge a ekis watteno ei interest non political2019, sia mwochen ewin apasa ach ingeiti an pwiipwi kepwan efich report won an ei committee non Guam kuna ei uttut. Sia anean ren pwiich kewe #1. Pirate95, #2. Esananap, #3. Isonge, #4. Renson ren ar repwe pwan fifitikich non ekkei nussun ràn non ach sipwe aninis fengen won ei election2019.
  • Murin ai uwa kuna tetrenin kewe candidates seni Tol won nour we ballot, iwe ai ekiek a ekesiwin ren ita ai we ur pwe epwe 2 incumbent seni Iongku repwe win. Iwe nge iei uwa ekieki pwe epwe ne emon nein kewe minen nom me Iongku epwe win nge emon epwe ne nus.
  • edited February 4
    tirow wom pwipwi kepwanefich. ekis chok ai kapas eis ren mefiom ei. Ikenai ka afata pwe emon chok incumbent epwe win seni Iongku. Ka apasa pwe Kerson Billy. Nge pwat ka mefi pwe Bino esap chiwen win? Met a fis ngeni? Tirow wom.
  • Upwe tirow womi re Tol ren ai kei esisin. Omusano ai tipis.

    Ika pwe epwe ne pung pwe a ina porausen kana mwan, Karson me Bino, pwe rese chiwen aninis fengen, iwe epwe pung pwe Bino ei epwe nus, faniten kei popun.
    1. Karson ina epwe wor pusin an meren Bino me Junior me non Foup me Netutu. Nge Bino esap wor pusin an me Foupo tori Amwachasng.
    2. Karson epwe ne napano an me non Ikku non ei ier ika ir mei aeafengen vote me Puriom.
    3. Kaeson epwe aea vote me non an Kataky na vote me Wichukuno. Nge Bino pwan ukukun chok an we.
    4. Singeru epwe anapano an Kara vote nap seni an epwe ngeni Bino, Junior me Puriom me non Niku. Epwe wor an Bino nge epwe chok kukun. Singeru epwe carry unusen Niku. Nge sisap sinei ren porausen nesor.
    5. Ika Erten esap pochokun sefan, iwe unusen an we vote epwe chok no ngeni Karson me Singeru ika fen Maka, me non Wonip. Nge Bino esap watte.

    Iwe ika epwe kapach fengen ekkei iwe Bino epwe apwangapwangano nge Karson epwe pochokuno.
  • Kinisou ngonuk auche Melvin ren met kei ka kuna ren Tol. Use tongeni ai upwe amwani kunaeom kei pwe ina pusin kunaeom. Nge ngang mei fen tipeew pwe non ei ier, iwe uwa mefi pwe chon Tol ra fakun sinenap met repwwe fori ren ar utut. Uwa nukuw pwe emon me emon a fakun pusin sinei met epwe fori me murin ewe 2017. Ina mine uwa kuna pwe ese chiwen chomong chon wanong mefier, ren an Tol ei utut pokiten ra fen i sinei chok me iei met pungun utut me won ew me ew kewe sopun non Tol.
    Ikenai a pwan weires ach sipwe kuna pochokunen kei candidates pokiten a pwan apwangapwangano mwokutun kewe pekin. Chomong sou-osuni utut me non Tol, ra kuna pwe iei, emon me emon ra chok pusin pochokun won pusin ar. Ese chiwen wor pochokunen pekin me pekin. Ikaq mo epwe wor kapas pwe men me men, ika atenan me aten ir chiechi. Iwe nge esap chiwen wor waten nukunuk pokiten sia fen kuna chomong kewe result non ew me ew kewe nenien utut nge ese wor aninis fengen. Ra chok en me pusin komuchuno an.
    Omusano pwe eni ngang upwe mwan, nge anisi ei ren met om kuna non ei fansoun. Tirow pwan fakun omusano ai tipis.
  • Soposopun mefien esananap ren an Melvin ei poraus.
    Upwe omusomus ngonuk pwipwi Melvin ren ai upwe ekis sopei ai poraus won mefiom ei. Kan ai tirow wom nan nipoponumongen asan na.
    1.Ika epwe wor An Karson vote me Foup, iwe ina epwe pusin an chok, nge esap chiwen an meren Bino. Nge non Netutu, iwe ina epwe wate an Karson nap seni kewe ekoch candidates.
    2. Mei pung pwe an Karson vote me Chukienu ina epwe wateno non ei pwe epwe aea ren Singeru me Puriom me ren Joy me chienan kana, ika repwe awora an vote.
    3. Use sinei porausen Wichukuno.
    4. Mei pung pwe epwe wateno an Karson me non Niku ren an ei fiti Singeru.
    5. Mefiei pwe Ese pung ei memef, ika Erten ese pochokun sefan, merei pwe meinisin candidates repwe fiu io epwe wate an vote me Wonip. Akaewin iwe Junior me Puriom repwe tapoto fan Kataky. Nge Maka, Binom me Singeru repwe pwan fiu io epwe pochokun.
    Iwe pokiten kana popun iwe Junior me Puriom repwe fiu io epwe wate. Nge Bino Maka me Singeru repwe pwan fiu io epwe pwan watte.
    Nge Karson epwe fiu an epwe tapoto fan Kataky, ika pwe Maka ese pochok.
    Tirow wom pwipwi.
  • Pwipwi last94

    Ach kapong ngonuk pwipwi, kinisou ren kapas eis..Sia nuku nge onowe Bino epwe pusin tur me non an ewe kinikin. Mei ita teru pun esap chiwen sa sefan non ei utut sipwe asaii ngeni, iwe iei popun Tol ionap mi nuku pun esap chiwen sa, iwe a wor angangen Commit ngeni ekkewe ekkoch candidate pun repwene aninis wor nap seni onowe Bino.. Apwan chok nap an nonom Weno, wattiw met ururun epwe ngeni chon Tol iei a ngeni chon Weno..Amusano ren pwan ei ngingin kapas nge uchok mochen kopwe sinei me weweiti met popun onowe Bino epwe tur me mit ren. Kinisou pwipwi Last94, amo kopwe kan weweiti ach awewe.

    Kepwan efich
    Kepwan oput.
Sign In or Register to comment.