Porousen Yes me No re ewe umuno ngeni Muun China.


Achengicheng aramasen Chuuk State.

Sia mochen sipwe esinesin ngeni aramasen Chuuk State pun sipwe tumunoch fan iten ewe angangen umuno seni ach muun FSM, mi auchea sipwe sinei pun ewe angang ese wes ika kauno, ikenai neuch kewe chon mokutukut won ei ekiek, ra mwo ekis fanefaneno pun ren ach ei utut fan March 2021, pun napengeni chon ei Commission ir mi sa ngeni ekkei wis.

Mi auchea sipwe sinei usun ei mokutukut. Ururun sipwe utut won ei angungu ren ei tou seni muun FSM non ewe March 2020, iwe iei ra mina ngeni March 2022. Pun chon ei Commission ra sa ngeni ekkei wis.
Mi auchea sipwe sinei, pun chon ei Commission ra fen angang money seni muun China, iei popun rese mochen wes ne fori ei angang. Mi auchea sipwe sinei chochon ei Commission, ikenai ra sa ngeni ekkei wis.
1. Chuuk State Governor Johnson Elimo
2. Chuuk State Lt. Governor Mark Mailo
3. Chuuk State Attorney General Sabino Asor
4. Setiro Paul

Iwe chiechier kewe.
1. Bandinus Suzuki 2. Kachutosy Paulus 3. Tadashy Wainit. 4. Johnny Meipen 5. Karsom Enlet.

Ikkeir chon ei Commission ra ekiekin amomono Chuuk State ngeni China.

Sipwe tungor ngeni aramasen Chuuk State meinisin, Ouse mochen sipwe weweiti ne sinei pun chommong fonu ikenai ra osupwang ren ar nonom fan mun China.

Ngeni ami ekkewe mi nonom nukun Chuuk ikenai, ouse mochen ousap sonota ren chon ewe YES me sisap tipeew ngeni ach sipwe tou seni Muun FSM, pun ouse niwiniti Chuuk , esap chiwen wor ewe puung mi kawor ren ach sipwe tongeni Sukun, Angang me Safei non fonuwen Merika ikenai. Ouse mochen, sipwe tongei fonuwach Chuuk State pun ete attong nesor me penon ren ekkei aramas, ra chok en me kutta tufichir nge esap kich aramas.

Serafo, ami pochekunen fenu ikenai, tumunu ena pechokun China ete nemeni senuk nesor. Please Vote NO.

Ika en mi tongei neuch kewe souemwen akkom, ir re anisi ngeni kich ei muun kinamwe ikenai pwan meut siwini ngeni muun ekeriaffou muun China.
Vote NO fan iten kinamwein Chuuk nesor, mut ngeni ekkewe YES me ena Commission repwe ekieki ena millionun Money Muun China afen ngenir.

Aramasen Chuuk , sipwe ekiekech ren ei fansoun pun site osupwang wachep ika sipwe sonono ren chon ei Commission.

Please Vote No !

Kepwan Efich
Kepwan Oput.

Mi wor correction fan iten , mi wor ekkewe fitemon mwan ra tou seni ei Commission pun ra kuna ei kokot pun men fungky.
Upwe tungor omusomusen ach sia watta itemi . Omusano ach tipis!

Mr. Jack Fritz me Mr Redley Killion pwan Mr. Ben Enlet , ekkei auchean mwan rese chiwen choni ei Commission pun ra kuna pun ew angang mi rikirik ese pung. Iwe ikkeir ekkei members won ei Commission oupwe afani kemi rer. Ousap sonota ngenir.

1. Chuuk State Governor Johnson Elimo
2 Chuuk State Lt. Governor Mark Mailo
3. Chuuk State Attorney General Sabino Asor
4. Commission Chairman Kachutosy Paulus
5. Williplat Bisalen
6. Bandinus Suzuki
7. Etop Sos
8. Johnny Meipen
9. Pintas Kenneth
10. Setiro Paul
11. Rep. Petewen Jesse William

Ousap fitir non met ei ar ekiek fan iten ach sipwe tou seni ei FSM.
Ei Commission rafen angang money seni muun China, iei popun ir mi chok pochokun won an Chuuk epwe tou seni ei Federation.

Chechemeni kopwe vote No. Pun ina ach me mwirimwirich kewe pwapwa me kinamwe nesor.

Kinisou.

Kepwan Efich
Kepwan Oput.


Comments

  • Kepwan Efich Kepwan Oput. Emwou no me chonomwas atenan ekei aramas rete fen nuku om kei chonomwas. Inet pwun re angang moni seni China? Nengeni, kopwe ne tup non an men mirit chunumei. Kose mo weweiti pun men wor annukun Libelous statements like yours.

    Uti onom kopwe napamwas non en FSM Supreme Court non ekan raan mwach. We already know your true identity!!!

  • Pwipwi Coconuts.

    Ach kapong ngonuk pwipwi Coconuts.

    Kopwe amusano ai tipis. Pwat, ka pwan ura u chonope? Men och kopwe sinei puu usap tongeni upwe iseta joon esap enlet, en won winikapom mi wor wisom non ena money? Met, kopwe ura? Iwe , ngang won inisi use noninen ika upwe churi kapwuung puu ika u luku nge ese puung met kei, iwe pungun upwe nuokus. Repwe fen wejei ena kapwuung pun repwe pusin " take their food " including yourself.
    En mi weweiti ena engin fosun Merika, Take your food? Upwe pusin pwan aweweiochu ngonuk puu kopwe sinei me weweiti àà?
    Iwe wewen ena fosun Merika ? Iwe iei wewen " Angei anemi ".

    Iwe kosap apasa puu u chonope puu use chonope mwa onan! Upwe fen pwapwa ika ou wejei ena kapwuung! Upwe pwan pwapwa ika ou sinei ika ngang ion? Mout ika ou sinei . Upwe ita kan fet ren, ika reom?

    Kopwe fen tumunuk puu kote osupwang ika kopwe chok sopweno omw tunonakik, usun chon ena Commission ir mi tunonakik meinisin.

    Ou wechei ena kapwuung sipwe pii ika ion epwe TAKE HIS FOOD!

    Kepwan Efich
    Kepwan Oput.
  • Mei mo pung Kepwan, wes ne chonomwas. Ewe imuno esap ngeni China pwe Merika. Iwe anyone can say commissioners received money from China nge ika kose proof it, enlet nusmwan om kas. Be honest man.
  • Kapwong ngonuk pwipwi Kepwan Efich:

    Ita upwe fen pwan sopwei ai fosun amangaw ngonuk nge ese chiwen tawe pwun uwa freakout ren om na itenap "TAKE YOUR FOOD".

    Kinisou chapur ren met information ika facts mei tou sonuk, anean chok pwe epwe wor proof ika evidence pun om na itenap ete pusin sapesefan ngonuk.

    Kinisou chapur.
Sign In or Register to comment.